Rowaýata öwrülen “Star Trek” serialynyň kapitany Kirkiň keşbi bilen ýatda galan ussat aktýor Uilýiam Şatner kosmosa syýahat etdi. 90 ýaşly weteran aktýor Jeff Bezosyň eýeçiligindäki “Blue Origin” kompaniýasynyň “New Shepard” kosmos gämisi bilen Tehasdan kosmosa uçuryldy.
Ussat aktýor Uilýam Şatner uçuşdan soň kosmosa çykan iň garry adam boldy. Şatner bilen bilelikde 4 adamlyk toparyň kosmos syýahaty 10 minut dowam etdi. Toparyň kosmos syýahaty üçin älem gämisi 106 kilometr belentlige çykdy.
“Blue Origin” kompaniýasy ilkinji kosmos syýahatçylygyny iýul aýynda amala aşyrypdy.