Beýik Britaniýanyň täze saýlanan Premýer-ministri Liz Trass wezipesini tabşyrjakdygyny mälim etdi. Ol 45 gün mundan ozal, ýurduň Premýer-ministri wezipesine saýlanypdy.
Liz Trass özüniň täze oruntutary saýlanýança wezipesine dowam etdirer. Şeýle hem Trass patyşa Karl III wezipesini meýletin tabşyrýandygyny üçin ötünç soraýandygyny belledi.
Beýik Britaniýanyň täze saýlanan Premýer-ministri Liz Trass garaşylan netijeni berip bilmedi. Onuň Beýik Britaniýanyň ykdysady kynçylyklary bilen baş edip bilmändigi bellenildi.
– Men Premýer-ministriň edarasynda durnukly däl döwürde geldim. Maňa ýurduň energetika pudagyndaky ýagdaýlary üýtgetmek, salgytlary azaltmak hem-de ykdysady ösüşi gazanmak mandaty ynanyldy. Ýöne men bu wezipeleri ýerine ýetirip bilmejekdigime göz ýetirdim – diýip, syýasatçy belläp geçdi.
Mälim bolşy ýaly, bir-iki günlükde ýurduň içeri işler ministri Suella Brawerman hem-de maliýe ministri Kwazi Kwarteng wezipesini meýletin tabşyrypdy.
Beýik Britaniýanyň ozalky Premýer-ministri Boris Jonsonyň ornuna saýlanan Liz Trass bu ýokary derejeli wezipe üçin Rişi Sunak bilen bäsleşipdi.