TÜRKMENISTAN WE DÜNÝÄ HABARLARY
SPORT

Ýewropa çempionatynyň ykbaly

Italiýa “Euro-2020” futbol çempionatyny dünýäde häzir bolup geçýän wakalara laýyklykda, çempionatyñ senesini üýtgetmek üçin Ýewropanyň Futbol Federasiýasyna (UEFA) haýyş bilen ýüzlendi. Şol sanda Italiýanyñ Futbol Federasiýasynyñ ýolbaşçysy “Seriýa A” çempionatyny 30-njy iýunda tamamlamagy meýilleşdirýändigini belläp geçdi.

Italiýanyñ Futbol Federasiýasynyñ ýolbaşçysy: “Biz “Seriýa A” çempionatyny 30-njy iýunda tamamlamagy meýilleşdirýäris, şol günüñ dowamyna çenli tertipnama Ýewro kuboklarynyñ oýunlaryny ýerleşdirmeli” diýip nygtap geçýär.

Häzirki wagtda köp ýurduň futbol boýunça milli çempionatlary togtadyldy. “Euro-2020” futbol çempionatynyñ senesini geçirmek meselesine, ertirki UEFA-nyň mejlisinde serediler.

2020-nji ýylyñ Ýewropa çempionaty 12-nji iýun we 12-nji iýul aralygy geçirilmek meýilleşdirilýär we Italiýa döwletinde ençeme oýunlary geçirilmegine garaşylýar.

Ýene-de okaň

Mançester derbisi: Holandyň we Fodeniň taryhy rekordy

Ata Watan Eserleri

Türkiýede IV Bütindünýä çarwa oýunlaryna badalga berildi

Türkmen türgenleri Özbegistanda 11 medal gazandy

Teswirle