TÜRKMENISTAN WE DÜNÝÄ HABARLARY
TEHNOLOGIÝA

“Xiaomi” dünýädäki tehnologiýa bazarlarynda lider bolmaga dowam edýär

Hytaýyň iň uly akylly telefon öndürijilerinden biri bolan “Xiaomi” şereketi dünýä bazarlarynda ösmäge dowam edýär. Häzirki wagtda bu şereket dünýäde “Samsung” şereketinden soň 2-nji ýerde dur. Dünýäniň iň uly ikinji akylly telefon bazary bolan Hindistanda bolsa, “Xiaomi” şereketi 1-nji ýeri eýeleýär. Soňky çykan habarlara görä, Russiýadaky telefon bazarlarynda-da “Xiaomi” liderligi eýeledi.

MTS-iň analizine görä, bu ýylyň iýun aýynda “Xiaomi” şereketine degişli bazar paýy 31,2%,  “Samsung” şereketiniňki 29,8%, “Apple” şerektiniňki bolsa 14,5% boldy. Beýleki markalardan “Realme” 4,6% bilen 4-nji, “Poco” 3,8% bilen 5-nji ýeri eýeledi.

“M.Video – Eldorado Group” atly Russiýanyň iň uly tehnologiýa dükanynyň agzasy bu barada rus metbugatyna beren reportažynda şeýle diýdi:

– Iýun aýynda “Xiaomi” şereketi Russiýadaky tehnologiýa bazarynda liderligi ele aldy. Şol bir wagtda “Samsung”, “Apple”, “Honor” ýaly markalar hem iň köp isleg bildirilýän şereketler bolup durýarlar.

 

Maksat  TAGANOW,

Magtymguly adyndaky Türkmen döwlet uniwersitetiniň

žurnalistika hünäriniň talyby.

 

Mbappeniň göwni «Realda»

 

Ýene-de okaň

Kosmos syýahatçylygyna Hytaý hem goşulýar

Geljegiň otlusy tanyşdyryldy

Sagatda 300 pizza taýýarlaýan robot

Teswirle