JEMGYÝET

Türkmenistanyň Prezidenti Pakistan Yslam Respublikasynyň ýolbaşçylaryny gutlady

Hormatly Prezidentimiz Serdar Berdimuhamedow Pakistan Yslam Respublikasynyň Prezidenti Asif Ali Zardarä we Premýer-ministri Mian Muhammad Şahbaz Şarife Pakistan Yslam Respublikasynyň milli baýramy — Garaşsyzlyk güni mynasybetli tüýs ýürekden gutlaglaryny, iň gowy arzuwlaryny iberdi.

“Biz Türkmenistan bilen Pakistan Yslam Respublikasynyň arasyndaky gatnaşyklara ýokary baha berýäris we onuň geljekde iki ýurduň halklarynyň bähbidine mundan beýläk-de ösdüriljekdigine ynam bildirýäris” diýip, döwlet Baştutanymyz hatynda belleýär. Hormatly Prezidentimiz yzygiderli pugtalandyrylýan hem-de kämilleşdirilýän döwletara gatnaşyklaryň ýokary derejesini bellemek bilen, özara bähbitli hyzmatdaşlygyň geljekde-de üstünlikli ilerlediljekdigine berk ynam bildirdi.

Döwlet Baştutanymyz mümkinçilikden peýdalanyp, Prezident Asif Ali Zardarä hem-de Premýer-ministr Mian Muhammad Şahbaz Şarife tüýs ýürekden berk jan saglyk, bagtyýarlyk, abadançylyk, Pakistan Yslam Respublikasynyň doganlyk halkyna bolsa parahatçylyk, ösüş, rowaçlyk arzuw etdi.

Ýene-de okaň

Türkmenistanda pagta ýygymyna badalga berildi

Türkmenistan Owganystana nobatdaky ynsanperwerlik kömegini iberdi

TIF-2024: Aşgabatda 18 şertnama we ähtnama gol çekildi

TIF-2024: Türkmenistan we Gazagystan tebigy gaz pudagynda ähtnama gol çekdiler

Täze taslamalar türkmen-owgan gatnaşyklarynda täze sahypany açýar

Ata Watan Eserleri

Türkmen halkynyň Milli Lideri Owganystanyň Hökümetiniň Başlygy bilen duşuşdy

Ata Watan Eserleri