BILIM

Türkmen wekiliýetiniň Astrahana sapary

2024-nji ýylyň 22-nji aprelinden bäri Gündogaryň beýik şahyry we akyldary Magtymguly Pyragynyň 300 ýyllygyny bellemek maksady bilen geçirilýän çärelere gatnaşmak üçin Russiýa Federasiýasynyň Astrahan oblastyna türkmen wekiliýetiniň sapary dowam edýär.

Saparyň maksatnamasynyň başynda Türkmenistanyň bilim ministriniň orunbasary A.Amanowyň ýolbaşçylygyndaky Türkmenistanyň wekiliýeti W.N.Tatişew adyndaky Astrahan döwlet uniwersitetiniň garşysyndaky seýilgähde ýerleşýän Magtymguly Pyragynyň ýadygärligine gül goýuşlyk dabarasyna gatnaşdy.

Gül goýuşlyk dabarasyna türkmen wekiliýetiniň agzalary, Türkmenistanyň Astrahan şäherindäki konsuly G.Ilamanow, Astrahan oblastynyň bilim ministri M.Şalak we Astrahan döwlet uniwersitetinde bilim alýan Türkmenistanyň talyplary gatnaşdylar.

Soňra wekiliýetiň agzalary Astrahan oblastynyň Funtowo obasyndaky türkmen mekdebiniň çäginde Magtymguly Pyragynyň muzeýiniň açylyşyna gatnaşdylar we şahyryň suratlarynyň, eserleriniň, türkmen milli saz gurallarynyň hem-de oba durmuşy we senetçilik önümleriniň ýerleşdirilen muzeýine gymmatly eksponatlary gowşurdylar. Şeýle hem, türkmen halkynyň nusgawy şahyrynyň ýubileýi mynasybetli mekdep okuwçylarynyň arasynda suratlaryň sergisi we «Pähim-paýhas ummany Magtymguly Pyragy» atly döredijilik bäsleşigi geçirildi.

Ýene-de okaň

«Halkara gatnaşyklary: parahatçylyk dialogynyň medeniýeti» atly halkara bäsleşik geçirilýär

Türkmenistanda Çagalary goramagyň halkara güni giňden belleniler

Çagalaryň tomusky dynç alyş möwsümine taýýarlyk görülýär

Ylymlar gününde geçiriljek çäreler

Ýaponiýa talyp hakly okuw maksatnamalaryna çagyrýar

Türkmen wekiliýeti “THE Aziýa baýragy- 2024” sammitine gatnaşdy

Ata Watan Eserleri