JEMGYÝET

Türkmen-rus hyzmatdaşlyk gatnaşyklary maslahatlaşyldy

Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow Russiýa Federasiýasynyň Tatarystan Respublikasynyň paýtagty Kazan şäherinde geçirilýän “KazanSummit 2022” XIII halkara ykdysady sammitiň işine gatnaşdy. Bu barada Tatarystanyň resmi habarlar agentligi habar berýär.

Halk Maslahatynyň Başlygy Gurbanguly Berdimuhamedow “KazanSummit 2022” XIII halkara ykdysady sammitiň çäklerinde “Kazan Ekspo” meýdançasynda Russiýa Federasiýasynyň ykdysady ösüş ministri Maksim Reşetnikow bilen duşuşdy. Bu duşuşyga Tatarystanyň Prezidenti Rustam Minnihanow, Tatarystan Respublikasynyň Döwlet geňeşçisi Mintimer Şaýmyýew we Tatarystan Respublikasynyň Döwlet geňeşiniň başlygy Farid Muhammetşin gatnaşdy.

Duşuşygyň barşynda ikitaraplaýyn söwda-ykdysady hyzmatdaşlygyň ösdürilmegine degişli meseleler ara alyp maslahatlaşyldy. Russiýanyň işewürliginiň gatnaşmagynda Türkmenistanyň ykdysadyýetiniň dürli ugurlarynda amala aşyryljak geljegi uly taslamalar barada pikir alşyldy.

Russiýa Federasiýasynyň ykdysady ösüş ministri Maksim Reşetnikow rus işewürliginiň gatnaşmagyndaky maýa goýum taslamalarynyň öz işjeňligini saklap galýandygyny belledi.

Halk Maslahatynyň Başlygy Gurbanguly Berdimuhamedowyň Tatarystana sapary

Ýene-de okaň

Türkmen halkynyň Milli Lideri Arkadag şäherine iş saparyny amala aşyrdy

Türkmenistanyň Ministrler Kabinetiniň giňişleýin mejlisi

2024-nji ýylyň iň gowy etraby – Sakarçäge etraby

Bahar Seýidowa medeniýet ulgamyna gözegçilik edýän wise-premýer wezipesine bellendi

Türkmen halkynyň Milli Lideri: Türkmenistan Ýaponiýa bilen hyzmatdaşlygy giňeltmäge taýýar

Türkmenistanyň Prezidenti Ýaponiýanyň Premýer-ministriniň ýörite geňeşçisini kabul etdi