Av.Dr.Döwran Orazgylyjov

Dr.Orazgylyjov, Atavatan Türkmenistan uluslararası dergisinin Genel yayın yönetmenliğini yürütmektedir. Dr.Orazgylyjov, Türkmenistanlılar Dayanışma Derneğinin Yönetim Kurulu Kurucu Başkanı görevini de üstlenmiştir.

Los Angeles – “Perişdeleriň şäheri”. Syýahat ýazgylary...

Meniň geçen hepde www.atavatan-turkmenistan.com saýtynda goýan “Amerika Size garaşýar. Täze başlaýanlar üçin” atly syýahat  hakyndaky ýazgylarym garaşanymdan hem has uly gyzyklanma eýe boldy.  Emma, biziň öz syýahat meýilnamamyza gysga wagtyň içine köp zat sygdyranlygymyz üçin, şol syýahat belliklerimiň dowamyny bu gün ýazmaklyk nesip etdi.

 Los Angeles – “Perişdeleriň şäheri” ady bilen bütin dünýäde tanalýar. Men bu täsin hem owadan ýere ilkinji gezek öz dostum Merdan bilen (onuň maglumatlaryny özünden rugsat almandygym sebäpli bu ýerde ýazamok) gelmek nesip edipdi. Bu gezek hem biz Los Angelese ýerli wagt bilen sagat 16:00 töwereginde geldik. Bellemeli zat, bu ýer bilen Aşgabat wagtynyň arasynda 12 sagat tapawut bar.

Ýokarda belleýşim ýaly, syýahat meýilnamamyzda köp ýeri görmeklik bar. Şonuň üçin wagtymyz çäkli. “Downtown” diýilýän şäheriň merkezine bolsa, göni şol gün syýahat etmekligi makul bildik. Öz ýaşaýan myhmanhanamyzdan pyýada ýöreýiş bilen 5 minutlyk uzaklykda ýerleşýän “Walt Disney Concert Hall” ilkinji duralgamyz boldy. Ajaýyp, özboluşly binagärlik keşbi bilen özüne çekýän bu merkezde şol gün agşam konsert bolýan eken. Poslamaýan polatdan ýasalan ol merkez 2265 tomaşaça niýetlenipdir. Onuň  on dördi gijäniň aýy mysaly, garaňky gijäni hamala gündize öwürýän ýaly, aýratyn yşyk saçýan öwüşgünleri bar. Ine, şol ýerde bolsa, dünýä belli kompaniýalaryň biri-birinden beýik binalarynyň ýerleşýän “Maliýe merkezi” diýilýän etraby başlaýar. Bizi 13 sagatlyk durmazdan amala aşyran uçuşymyz birneme ýadadypdyr. Şol gün “Maliýe merkezine” aýlandyk we şonuň bilen gije gysga syýahatymyz jemledik. 

Ertesi gün syýahatymyz “Beverly Hills” diýilýän ýerden başlady. Dünýäniň iň esasy we iň gymmat bahadan satylýan geýimleriniň, şaý-sepleriniň, atyrlarynyň, soňky tehnologiýalaryň we dünýä belli brent-markaly harytlary we hyzmatlary dükanlarynyň ýerleşýän Rodeo-drive köçesi şu ýerde ýerleşýär. Bizi haýran galdyran zat, ol ýerdäki dükanlaryň  satyjylary myhmanlary görenlerinden kimiň “öz müşderisi” bolup biljekdigini aňýan bolara çemeli !!! Dükanlaryň öňünden geçip barýan wagtymyz bize öz satýan önümlerini, harytlaryny tanatmak üçin çagyran satyjy bolmady.  Eýsem, käbir myhmanlary bolsa, çagyryp, hödür-kerem edip, öz harytlary bilen tanyşdyrýardylar. Men-ä, biziň ilki bilen ol ýere baryp, surata düşmegimiz bilen, biziň syýahatçydygymyzy aňyp, “Rodeo-drive müşderisi” däldigimizi bildiler öýtýän diýip çak etdim. Meniň pikirimçe, şol köçä iki dürli myhmanlar barýar, surata düşmäge barýarlar (ýönekeý syýahatçylar, mysal üçin biz), ikinjisi şol gymmat bahaly zatlardan gerekli zatlaryn alýanlar.

 Hollywood ýyldyzlaryny we dünýä belli sungat ussatlaryny ol köçede görüp bolýar. Dogrusy, biz-ä görmedik, gören hem bolsak, tanamadyk bolup bileris. Belki-de hödür-kerem edilenler olardyr. Ol ýere baryp, “Beverly Hills” ýadygärliginiň öňünde surata düşmeseň bolmaz.

      Indiki ugrumyz Hollywood!

      Bu ýerde “walk of fame’ diýlip atlandyrylýan dünýä meşhur ýyldyzlarynyň atlarynyň ýazylan köçesi ýerleşýär. Hollywood ýyldyzlarynyň el we aýak yzlarynyň ýerleşýän köçesini hem şol ýerde görmek bolýar. Walk of fame köçesinde “Makul Hyzmat Terjime” diýip ýörite ýyldyz ýazdyrmak hem nesip etdi. Belki-de, dünýäde şol ýere ady ýazylan ilkinji hususy kärhana “Makul Hyzmat Terjime” merkezi bolup biler. Sebäbi, ol ýere gelip, döredilen mümkinçilikden peýdalanyp öz atlaryny ýazdyrýarlar. Emma, ol ýazgy ol ýerde hemişelik galmaýar, ol diňe surata düşmeklik üçin bir mümkinçilikdir.

    Ol ýerde Oscar baýraklarynyň gowşurylýan merkezi hem ýerleşýär. “Gyzyl Halydan” hem  şol köçede ýörelýär. “Hollywood” ýazgysy ýazylan depä görkezip, uzakdan bolsa hem surata düşmek mümkinçiligi has hem ýakymly.     

    Perişdeleriň şäheri diýlip, terjime edilýän Los Angelesde baryp görülmegi hökman ýerleriň biri hem Hollywood kinolarynyň surata düşürilýän studiýasydyr. “Universal Studies” merkezini görmek üçin azyndan bir günüň gerek bolýandygyny aýdansoňlar, biz bu gezek hem ol ýere aýlanmaklyga wagt aýryp bilmedik. Emma, ol studiýa gidip görenler oňa hökman baryp görmekligi  maslahat berýärler.  

     Indiki ugrumyz Santa Monico dynç alyş merkezi!

    Bu merkez Ýuwaş Okeanyň kenarynda ýerleşýän, plýažlaryň we garbanyşhanalaryň ýerleşýän, Los Angelesiň hökman göräýmeli ýerleriniň biri. Ýuwaş Okeanynda ýüzüp görmeklik nesip etmese-de, suwuň pesräk ýerlerinde aýagymyz suwda gysga ýöreýiş etdik. Los Angelese syýahatymyzy Santa Monicoda ýerleşýän dükanlara aýlanyp görmek bilen jemledik. Ol “üçünji köçe” ýa-da “the Third Street Promenade` diýlip atlandyrylýar. New Ýork şäherindäki “bäşinji köçäni” ýadyňyza salyň! Ine şol köçe ýaly brent köçe!

Los Angelesde hökman baryp görmeli başga-da owadan hem täsin ýerler köp. Şonuň üçin eger-de geljekde bu şähere syýahat etmek islegiňiz bar bolsa, onda ortaça 3 günlik wagt aýyrmagyňyzy maslahat berýäris.

    Indiki ugrumyz Ýosemite Jülgesi!..

Bellik : Bu ýazgynyň peýdaly bolmagy öňki ýazgylarymyz  bilen  bilellikde okamagynyzy maslahat berýärin!

Ilkinji ýazgymyz

“Amerika Size garaşýar: Täze başlaýanlar üçin” 

http://www.atavatan-turkmenistan.com/news_details.php?news_id=MzQ2MQ==

 

https://www.instagram.com/makulhyzmat

   

Tüm Yazılar

Facebook or Mark Zuckerberg

Aralık 10, 2019 - 1:04 PM
We have project that we planned since many time. This is shortly analyzing of books which we read and to introduce those books to book-lovers. And to create intention who don’t have time to read. All the books that we analyzed have in our work office and who is willingness to read them, can borrow from us for 15 day
Daha fazla oku

America is waiting for you: For new starters

Kasım 15, 2019 - 5:00 PM
Before traveling abroad various information is searched from internet to find out answers to these questions, such as which city should I go? and in that country or city which places should I see? Also, collecting information is useful for travelling more places and not wasting your time. When I collect the information about
Daha fazla oku

Rastgele Haberler

Bil Geýts gamburga nobata dursa...

Ocak 30, 2019 - 9:07 AM
Ýalňyşmadyňyz. Şu habaryň suratynda görýäniňiz, «Forbesiň» sanawynda 1995-nji ýyldan 2017-nji ýyla çenli iň baý milliarderleriň hatarynda birinji orny hiç kime bermän gelen Bil Geýts. Ýagny «Maýkrosoftuň» esaslandyryjy, ençeme ýyllyk ýolbaşçysy. ABŞ-ly Maýk Galos atly bir raýatyň düşüren suratynda dünýäniň iň baý
Daha fazla oku

Orta Asya ile Avrupa’ya birleştirecek yeni güzergah

Şubat 6, 2019 - 12:26 AM
Türkmenistan-Azerbaycan-Gürcistan-Romanya hattında yeni bir uluslararası taşımacılık güzergahı oluşturuluyor. Hazar Denizi bölgesindeki ekonomik işbirliğini güçlendirecek “Hazar Denizi - Karadeniz” uluslararası taşımacılık rotası projesinin Bakanlar toplantısı, 4 Mart 2019 tarihinde Romanya’nın başkenti Bükreş’te yapılacak.
Daha fazla oku

İleti bırak

E-mail adresiniz yayınlanmıyacaktır. Gerekli alanlar işaretlenmişti *