Gruziýaly agyr atletikaçy Talahadze üç dünýä rekordy bilen Olimpiýa oýunlarynda ýeňiji boldy. Gruziýanyň agyr atletika sporty boýunça türgeni Laşa Talahadze Tokioda geçirilen Olimpiýa oýunlarynda 109 kilograma çenli agram derejesinde ýeňiji boldy.
Türgen 2021-nji ýylda Moskwada geçirilen Ýewropa çempionatynda goýan dünýä rekordyny täzelemegi başardy. Talahadzeniň netijesi 488 kg boldy (birbada götermekde – 223 kg, itekläp götermekde – 265 kg). Türgeniň birbada götermek, itekläp götermek babatdaky görkezen netijeleri rekorddyr.
Bu ugurda ikinji orny 441 kg (200 kg + 241 kg) netijesini görkezen eýranly Ali Dawudi boldy. 424 kg (190 kg + 234 kg) üçünji netijäni siriýanyň wekili Man Asaad görkezdi. Siriýanyň milli ýygyndysy üçin bu medal Tokiodaky oýunlarda ilkinji we taryhda dördünji Olimpiýa medaly boldy.
Şeýle türgenler bilen bäsleşen türkmen türgeni Hojamuhammet Toýçiýew bolsa 4-nji orny eýeledi, onuň görkezen netijesi 414 kg deňdir.
https://www.atavatan-turkmenistan.com/gyrgyzystanyn-prezidenti-turkmenistana-geler/