TÜRKMENISTAN WE DÜNÝÄ HABARLARY
SYÝAHATÇYLYK WE SAGLYK

Täjigistanyň 10 millionynjy raýaty dünýä indi

Duşenbe şäherindäki 2-nji çaga dogrulýan öýünde doglan we Firdaws adyny alan oglanjyk Täjigistanyň 10 millionynjy raýaty boldy. Şeýlelik bilen, Täjigistan Merkezi Aziýada ilat sany boýunça 3-nji ornuny berkitdi.

Täjigistan Respublikasynyň Saglygy goraýyş we ilaty durmuş taýdan goramak ministrliginiň we Täjigistan Respublikasynyň Prezidentiniň ýanyndaky Statistika agentliginiň beren beýanatyna görä, 10 millionynjy raýaty ene-atasy Duşanbe şäheriniň Şohmansur etrabynyň ýaşaýjylary Faridun Barotow bilen Mahfirat Şokirowadyr.

Bäbegiň kakasy daşary ýurtda işçi bolup işleýär, ejesi bolsa öý hojalykçysy. Firdaws atly çaga bolsa ýaş maşgalanyň ilkinji çagasydyr.

Täjigistanyň Prezidenti Emomali Rahmon täze doglan çaganyň maşgalasyny ýaşaýyş jaýy bilen üpjün etmek barada tabşyryk berdi. Duşanbe şäheriniň ýolbaşçysy Rustami Emomali ýurduň 10 millionynjy raýatynyň ejesi Mahfirat Şokirowa 3 otagly täze ýaşaýyş jaýyny sowgat etmek hakyndaky karara gol çekdi.

10 millionynja raýatyň maşgalasyna täze jaýyň açaryny ýurduň Premýer-ministriniň orunbasary Matlubaho Sattoriýen we Duşanbe şäheriniň ýolbaşçysynyň orunbasary Dilbar Odilzoda gowşurdy.

Täjigistanyň Prezidenti hem öz gezeginde ýurduň halkyny ilat sanynyň 10 milliona ýetmegi bilen gutlady.

 

Gazagystanyň Prezidentiniň Saud Arabystanyna ilkinji sapary

Ýene-de okaň

Saglygy goraýyş, bilim we sport ulgamyna bagyşlanan halkara forum

“Türkmenistan” awiakompaniýasy: Belarus ugry boýunça gatnawlar

“Green Card” (Grin Kard) -2024: Senenamasy Yglan edildi

Baş Redaktor

Teswirle