TÜRKMENISTAN WE DÜNÝÄ HABARLARY
SPORT

“Seria A” tamamlandy: 1154 gol geçirildi

Italiýanyň “Seria A” mili futbol çempionaty koronawirus ýokanjy sebäpli yglan edilen arakesmeden soňra täzeden başlap, 38-nji tapgyrdan soňra tamamlandy. 2019/2020-nji ýylyň möwsüminde ýurduň çempionatynda 1154 pökgi derwezeden geçirildi. Her bir duşuşyk üçin ortaça 3.04 pökgi derejesindäki bu görkeziji Ýewropanyň öňdebaryjy çempionatlarynyň arasynda iň gowy görkezijidir.

Angliýanyň “Premýer-liga” çempionatynda 1034 pökgi (her oýunda ortaça – 2.72) derwezeden geçirildi. Bu görkeziji Germaniýanyň “Bundesligasynda” 982-ä (her oýunda ortaça – 3.21), Ispaniýanyň “La Liga” çempionatynda bolsa 942-ä (her oýunda ortaça – 2.48) deň boldy.

Wagtyndan öň tamamlanan Fransiýanyň «Liga 1» çempionatynda bolsa 704 pökgi derwezeden geçirildi.

Italiýanyň “Seria A” mili futbol çempionatynda iň köp pökgi geçiren toparlar: “Atalanta” (98), “Inter” (81), “Lasio” (79), “Roma” (77) we “Ýuwentus” (76).

Ýene-de okaň

Tennis dünýäsiniň ägirdi karýerasyny tamamlady

Türkmenistan Çarwadarlaryň Bütindünýä oýunlaryna gatnaşar

Täze futbol ýaryşyny döretmek meýilleşdirilýär

Teswirle