Saglyk-gymmatly baýlyk!

Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de hor­mat­ly Pre­zi­den­ti­mi­ziň baş­tu­tan­ly­gyn­da ýur­du­my­zyň dur­mu­şy­nyň äh­li ugur­la­ryn­da Gah­ry­man Ar­ka­da­gy­my­zyň ba­şy­ny baş­lan giň ge­rim­li öz­gert­me­le­ri üs­tün­lik­li do­wam et­di­ril­ýär. Paý­tag­ty­myz­da yn­san sag­ly­gy­nyň ber­ki­dil­me­gi bi­len bag­la­ny­şyk­ly me­se­le­ler döw­le­ti­mi­ziň he­mi­şe­lik üns mer­ke­zin­de sak­lan­ýar. Şun­da ak mer­mer­li Aş­ga­ba­dyň çäk­le­rin­de hal­ka­ra ül­ňü­le­re do­ly la­ýyk gel­ýän luk­man­çy­lyk eda­ra­la­ry­nyň gu­rul­ma­gy­na, ola­ryň ýo­ka­ry de­re­je­de en­jam­laş­dy­ryl­ma­gy­na hem uly üns be­ril­ýär. Tä­ze gu­rul­ýan sag­ly­gy go­ra­ýyş eda­ra­la­ry hal­ka­ra de­re­je­le­ri­ne do­ly la­ýyk ge­lip, on­da hal­kyň sag­ly­gy­ny ber­kit­mek­le­ri üçin äh­li döw­re­bap şert­ler dö­re­dil­ýär.

Ýurdumyzda sagdyn jemgyýeti berkarar etmek, raýatlaryň işjeň durmuşyny üpjün etmek we daşky gurşawa aýawly garamak meselelerine aýratyn ähmiýet berilýär. Bu ugurdaky işleriň ählisi Gahryman Arkadagymyzyň ýurdumyzda ynsan saglygyny goramak we raýatlaryň ömür dowamlylygyny uzaltmak ugrundaky başlangyçlaryndan gözbaş alýar. Ýurdumyzda köpçülikleýin bedenterbiýe hereketleriniň, pyýada, welosipedli ýörişleriň, sport ýaryşlarynyň yzygiderli geçirilmegi halkyň saglygyny we bagtyýarlygyny goramaga, beden we ruhy taýdan kämil nesli terbiýeläp ýetişdirmäge giň mümkinçilikleri açýar.

Ýurdumyzda «Il saglygy — ýurt baýlygy» diýen pähimden ugur alnyp, jemgyýetiň we döwletiň iň ýokary gymmatlygy bolan adamyň saglygyny goramakda, keselleriň öňüni almakda we olary ýok etmekde, saglygy goraýyş we derman senagaty pudagyny dünýä derejesinde ösdürmekde talabalaýyk işler amala aşyrylýar. Eneleriň we çagalaryň saglygyny goramakda zerur çäreler görülýär. Bu ugurda ylmy-barlag işleriniň geçirilmegi netijesinde, çagalarda köp duş gelýän keselleri irki döwürde anyklamagyň, bejermegiň täze usullary esaslandyryldy. Ýurdumyzda çagalary ene süýdi bilen iýmitlendirmek bilen bilelikde, ganazlyga garşy göreşmek baradaky milli maksatnamalar hem üstünlikli durmuşa geçirilýär.

Şeýle ajaýyp döwürde saglygyňy goramakda sagdyn durmuş ýörelgelerini gündelik endige öwürmekligiň, arassaçylyk düzgünlerini gyşarnyksyz berjaý etmekligiň, dogry iýmitlenmekligiň, zyýanly endiklerden daşda bolmaklygyň, sport we bedenterbiýe bilen yzygiderli meşgullanmaklygyň ähmiýeti örän uludyr. Esasan hem, ýiti respirator ýokanç keselleriniň öňüni almak maksady bilen, arassaçylyk düzgünlerini berk  berjaý etmeli. Synaň sag, ruhuň belent bolmagy üçin, ýokarda hem belleýşimiz ýaly, sagdyn durmuş kadalaryny, sporty gündelik endige öwürmek zerurdyr. Aýratynam, ýaş nesilleri sporta we bedenterbiýä has irki ýaşlaryndan çekmek zerurdyr.

«Pähim-paýhas ummany Magtymguly Pyragy» ýylynda doglan gününiň 300 ýyllygy halkara derejede belleniljek akyldar şahyrymyz hem goşgularynda saglyk temasyna aýratyn üns beripdir. Onuň halkyň aňyna müdimilik siňen dürdäne setirlerinde beýan eden saglyk hakyndaky pikirleri häzirki günlerde hem öz gymmatyny ýitirenok. Ol: «Dürdür bu janyň lezzeti, //Saglyk anyň soltanydyr» diýip belleýär. Pyragynyň şahyrana döredijiliginde sagdynlyk we ruhubelentlik, sagdyn durmuş ýörelgesi giňden şöhlelenýär. «Saglygyň gadryny bilgil, hassa bolmasdan burun» diýmek bilen, şahyr saglygyňy kesellemezden ozal gorap saklamagy nesihat edipdir.