JEMGYÝET

“Real Madrid” topary 15-nji gezek Çempionlar ligasynyň kubogyny gazandy

Düýn gije Ýewropanyň öňdebaryjy kubogy – UEFA-nyň Çempionlar ligasynyň kubogynyň final duşuşygy boldy. Angliýanyň London şäherindäki meşhur “Uembli” stadionynda geçirilen duşuşykda Germaniýanyň “Borussiýa Dortmund” toparyny 2:0 hasabynda ýeňen Ispaniýanyň “Real Madrid” topary 15-nji gezek Çempionlar ligasynyň kubogyny gazandy. Bu rekorddyr.

Şeýlelikde, “Real Madrid” topary 2023/2024-nji mwsümiň Çempionlar ligasynyň kubogyny gazanmak bilen, Ýewropanyň iň güýçli toparydygyny subut etdi. Ýeňiji bolan toparyň düzüminde Karwahal we Winisius tapawutlandy.

Italýan tälimçi Karlo Ançelottiniň şägirtleri german toparyny 2:0 hasabynda utup, UEFA-nyň howandarlygynda geçirilýän futbolyň toparlar derejesindäki baş baýragyny 15-nji gezk gazandy.

Bu kubogy iň köp gazananlaryň sanawynda ikinji orny Italiýanyň “Milan” topary bolup, onuň kuboklarynyň sany 7-ä deňdir. Soňra “Bawariýa” we “Liwerpul” toparlary 6 gezek, “Barselona” topary 5 gezek gazandy.

Ispan toparynyň düzümindäki iňlis futbolçy Jud Bellingem hem-de türk futbolçy Arda Güler ilkinji gezek Çempionlar ligasynyň kubogyny gazandy.

Galyberse-de, Arda Güler bu kubogy gazanan ilkinji türk futbolçydyr.

“REALYŇ” ÇEMPIONLAR LIGASYNDAKY ÜSTÜNLIKLERI

● “Real” topary 18 gezek Çempionlar ligasynyň finalyna çykdy we 3 gezek ýeňildi. Soňky gezek 43 ýyl mundan ozal Parižde “Liwerpul” toparyndan ýeňlipdi.

● Ispan topary 9 gezek yzly-yzyna finalda ýeňiş  gazandy. Bu ýeňişli möwsüm 1997/98-nji ýylda başlap, yzygiderlikde “Ýuwentus”, “Walensiýa”, “Baýer”, “Atletiko”, ýene-de “Atletiko”, “Ýuwentus” we 2 gezek “Liwerpul” toparyndan üstün çykdy.

● Toparyň tälimçisi Karlo Ançelotti 5 gezek Çempionlar ligasynyň kubogyny gazanyp, tälimçileriň arasynda rekord goýdy. Zinedin Zidan, Pep Gwardiola we Bob Peýsli 3 gezek bu kubogy gazanypdy .

● “Real” topary 5 gezek bir möwsümde hem çempion boldy hem-de Çempionlar ligasynyň kubogyny gazandy. Bu hem 1957-nji, 1958-nji, 2017-nji, 2022-nji we 2024-nji ýyllar boldy.

Ýene-de okaň

Lebapdaky mugallymçylyk mekdebi Türkmenistanyň ähli ýerlerinde ýaşaýan ýaşlary okuwa kabul eder

Türkmenistanyň Prezidenti ÝUNISEF-iň ýurdumyzdaky täze wekilini kabul etdi

Ata Watan Eserleri

Türkiýäniň energetika ministri Türkmenistana sapar bilen geler

Baýraktar: türkmen gazyny Eýranyň üsti bilen import etmegi meýilleşdirýäris

“Ýüpek ýoly” rallisi: türkmen türgenleri baýrakly dolanýarlar

Türkmenistanyň Daşary işler ministrliginde täze departamentler döredildi

Ata Watan Eserleri