TÜRKMENISTAN WE DÜNÝÄ HABARLARY
SPORT

“Real Madrid” birinji orna geçdi

Ispaniýa çempionatynyň 30-njy tapgyrynyň oýnunda “Real Madrid” topary “Real Sosýedad” toparyny myhmançylykda ýeňdi. Myhmanlar 2: 1 hasabynda ýeňiş gazandy. Duşuşykdaky üç pökgüniň hemmesi ikinji ýarymda tora girizildi. “Real Sosýedadyň” düzüminde Mikel Merino, şa toparyň düzüminde Serhiýo Ramos we Karim Benzema tapawutlandylar. Bu ýeňişden soň “Real Madrid” sanawda öňdeligi eýeledi – iki topar hem 65 utuk toplady, emma Madridiň kluby bu möwsümde ýüzbe-ýüz duşuşyklarda artykmaçlyga eýe boldy.

“Real”-yň kapitany La Liganyň taryhynda iň gowy goragçy boldy – oýunçynyň hasabynda 68 goly bar. Ozal ispanlar bu görkeziji boýunça “Barselonanyň” öňki oýunçysy Ronald Kuman bilen birinji orny paýlaşdy. Duşuşygyň dowamynda Ramosyň çep dyzyndan şikes alandygyny we oýnuň 60-njy minutynda meýdançadan çykmaga mejbur bolandygyny bellemeli. Bu möwsümde goragçy “La Liga” çempionatynda 28 oýunda 7 gezek tapawutlandy.

Ýene-de okaň

Katar-2022: nobat 1/8 finalda

Katar-2022: Günorta Koreýa Portugaliýany ýeňip, 1/8 finalda

Dünýä çempionatynda ilkinji gezek zenan emin eminlik etdi

Teswirle