TÜRKMENISTAN WE DÜNÝÄ HABARLARY
SPORT

Messi 699-njy goluny geçirdi

Ispaniýanyň “Barselona” toparynyň argentinaly hüjümçisi Lionel Messi futbol durmuşyndaky 699-njy goluny geçirdi. Ol Ispaniýanyň “La Liga” milli futbol çempionatynyň 29-njy tapgyrynda “Leganes” topary bilen geçirilen duşuşygyň 69-njy minutynda 11 metrlik jerime urgusyndan tapawutlandy.

Bu gol Messiniň futbol durmuşyndaky 699-njy gol boldy. Messi futbol ýolunda “Barselonanyň” düzüminde 629 gezek, Argentinanyň milli ýygyndysynyň düzüminde bolsa 70 gezek tapawutlandy.

Şeýle hem Messi “La Ligada” 56-njy 11 metrlik jerime urgusyndan peýdalandy. Bu görkeziji boýunça 2-nji orunda durýar. Bu babatda birinjilik Kriştiano Ronaldo degişlidir (61 gezek 11 metrlik jerime urgusyndan tapawutlandy).

Ýeri gelende aýtsak, “Barselona” topary “Leganesi” Ansu Fati hem-de Messiniň gollary bilen 2:0 hasabynda utup, 64 utuk bilen birinji orunda barýar. Ikinji orundaky “Real Madrid” toparynyň 59 utugy bolup, ol hem 18-nji iýunda “Walensiýa” topary bilen duşuşar.

Ýene-de okaň

Mançester derbisi: Holandyň we Fodeniň taryhy rekordy

Ata Watan Eserleri

Türkiýede IV Bütindünýä çarwa oýunlaryna badalga berildi

Türkmen türgenleri Özbegistanda 11 medal gazandy

Teswirle