Angliýanyň Superkubogyny almak ugrundaky duşuşyk tamamlandy. Onda “Mançester Siti” bilen “Mançester Ýunaýted” toparlary duşuşdy. Duşuşygyň esasy wagty 1:1 tamamlandy. Soňra 11 metrlik jerime ugrylar bellenildi.
“Mançester Siti” topary Angliýanyň çempionatynda özüniň esasy garşydaşy “Mançester Ýunaýted” toparyny 11 metrlik jerime urgulary netijesinde 7:6 hasabynda utdy.
Jarred Jilletiň eminlik etmeginde geçirilen duşuşygyň 82-nji minutda Alehandro Garnaço hasaby açyp, “Mançester Ýunaýted” toparyny öňe geçirdi. Duşuşygyň 89-njy minutynda Bernardo Silwa hasaby deňledi.
Geçen möwsüme bu iki topar 3 gezek duşuşdy. Angliýanyň milli çempionatynyň birinji aýlawynda “Mançester Siti” topary “Mançester Ýunaýted” toparyny 3:0 hasabynda, ikinji aýlawda bolsa, “Mançester Siti” topary “Mançester Ýunaýted” toparyny 3:1 hasabynda utdy.
Angliýanyň Kubogynyň finalynda bolsa, “Mançester Ýunaýted” topary “Mançester Siti” toparyny 2:1 hasabynda utup, kubogy gazanypdy.
“Mançester Siti” topary 7-nji gezek Angliýanyň Superkubogyny gazandy. “Mançester Ýunaýted” topary bolsa, bu kubogy rekord derejede 21 gezek gazandy.