TÜRKMENISTAN WE DÜNÝÄ HABARLARY
SPORT

Lempard “Ewerton” toparynyň tälimçiliginden boşadyldy

Frenk Lempard Angliýanyň milli çempionatynda çykyş edýän “Ewerton” toparynyň tälimçisi wezipesinden boşadyldy. Bu barada iňlis metbugaty habar berýär.

– Toparyň ýolbaşçy düzümi Lempardy toparyň baş tälimçisi wezipesinden boşatmak barada karara geldi – diýip, metbugat beýanatda mälim edilýär.

Lempard bu wezipä 2022-nji 31-nji ýanwarynda bellenipdi we onuň şertnamasynyň möhleti 2024-nji ýylyň iýunyna çenlidi. Lempard toparyň düzüminde 44 duşuşykda tälimçi bolup, 12 ýeňiş gazandy.

“Ewerton” topary Angliýanyň milli çempionatynda 15 utuk jemläp, 19-njy orunda barýar.

Lempard mundan ozal, “Derbi Kaunti” we “Çelsi” toparlaryna tälim ýerdi. Ol futbolçy hökmünde “Çelsi” toparynyň düzüminde 2001-2014-nji ýyllar aralygynda çykyş etdi. Şol döwürde Angliýanyň çempiony boldy, 4 gezek Angliýanyň kubogyny gazandy. Mundan başga-da, Lempard 2011/12-nji möwsümde Çempionlar ligasynyň we 2012/13-nji möwsümde bolsa, Ýewropa ligasynyň çempiony boldy.

Lempard “Çelsi” toparynyň taryhynda iň köp gol geçiren futbolçylaryň biridir. Ol mundan başga-da, “West Hem”, “Mançester Siti”, şeýle hem “Nýu-Ýork Siti” toparlarynda çykyş etdi.

 

 

Ýene-de okaň

Messi Ronaldonyň rekordyny täzeledi

55 ýaşynda futbol oýnamagy dowam edýär

Ata Watan Eserleri

Futbol boýunça Aziýanyň kubogy Saud Arabystanyda geçiriler

Teswirle