TÜRKMENISTAN WE DÜNÝÄ HABARLARY
SPORT

“La Liganyň” iň ýaş futbolçysy

Ispaniýanyň “La Liga” çempionatynyň 31-nji tapgyrynda “Real Madrid” bilen “Malýorka” toparlary duşuşdylar.  Duşuşykda 2-0 hasaby bilen Şa topary ýeňiş gazandy. “Real”-yň düzüminde Winisius Juniýor we Serhiýo Ramos tapawutlandylar we şeýlelikde “Real Madrid” çempionatda ynamly birinji oruny saklap gelýärler. 83-nji minutda oýna giren “Malýorka” toparynyň oýunçysy Luka Romero adyny liganyň taryhyna altyn harplary bilen ýazdyrdy. “Malýorka” toparynyň ýaş akademiýasyndan ýetişen 15 ýaşly 219 günlük Romero “La Liga”-nyň taryhynda meýdança çykan iň ýaş oýunçy hökmünde taryha girdi. Mundan öň bu rekordy 1939/1940-njy ýyllarda “Selta Wigo” toparynda çykyş eden Sanson eýeläpdi (15 ýaş 255 gün). Asly meksikaly Luka Romero  Argentinanyň 17 ýaşly milli ýygyndysynda çykyş edýär.

Ýene-de okaň

Türkiýede IV Bütindünýä çarwa oýunlaryna badalga berildi

Türkmen türgenleri Özbegistanda 11 medal gazandy

Mbappe – dünýäniň iň gymmat futbolçysy

Teswirle