Saud Arabystany Patyşalygynyň paýtagty Er-Riýad şäherinde geçirilen ÝUNESKO-nyň Bütindünýä miras komitetiniň 45-nji giňişleýin mejlisinde Bütindünýä mirasynyň sanawyna Türkiýäniň paýtagty Ankarada ýerleşýän “Gordion” atly arheologiki ýadygärligini goşmak kararyna gelindi. Şeýlelikde, Gordion Türkiýeden sanawa girizilen 20-nji desga hökmünde 18-nji sentýabrda hasaba alyndy.
ÝUNESKO-nyň Bütindünýä medeni mirasy goramak baradaky Konwensiýasynda Gordion şäheri şeýleräk beýan edilyär: “Demir asyrynyñ dowamynda şalyk süren paýtagt Frigiýanyň harabalyklaryny öz içine alýan köp gatly gadymy oturymly ýer bolupdyr. Munuň şeýledigine bu ýerde geçirilen arheologik gazuw-agtaryş işleriniň dowamynda tapylan artefaktlar şaýatlyk edýär.”
Ankaranyň Polatly etrabynda ýerleşýän Gordion şäheri biziň eýýamymyzdan 2500 ýyl öňki ırki bürünç döwrüne degişli bolup durýar. Bu gadymy şäherde we onuň töweregindäki şäherçelerde ýaşaýyş 4500 ýyllap dowam edipdir. Gordion biziň eýýamymyzdan öňki XII-nji asyrda Hitit imperiýasy dargan soň ýüze çykan Frigiýanyň syýasy we medeni paýtagty bolupdyr.
Türkiýäniň ÝUNESKO -nyň Bütindünýä mirasynyň sanawyna girizilen desgalary:
- Göreme milli seýilgähi we Kapadokiýanyň gowaklyklary
- Diwrigi şäherinde ýerleşýän uly metjidi we hassahanasy
- Stambulyň taryhy sebitleri
- Hititleriň paýtagty-Hattuşa
- Nemrut dagy
- Hierapolis şäheri we Pamukkale çeşmeleri
- Gadymy Ksantus şäheri we Letun ybadathanasy
- Safranbolu şäheri
- Troýanyň arheologiki ýadygärlikleri
- Selimiýe metjidi we onuñ jemgyýetçilik toplumy
- Çatalhöýügiň täze daş asyry
- Bursa we Jumalykyzyk-Osmanly ımperiýasynyň döremegi
- Pergamon we onuñ köp gatlaky medeni landşafty
- Diýarbakyr galasynyñ medeni landşafty we Hewsel baglary
- Efes
- Aniniň arheologiki ýadygärligi
- Afrodizias
- Göbekli depe
- Arslandepe baýyrlygy
- Gordion
- Orta asyr Anadolynyñ agaç gipostil metjitleri