TÜRKMENISTAN WE DÜNÝÄ HABARLARY
DÜNÝÄ

Elton Jonuň hormatyna 85 müň dollarlyk teňňe çykaryldy

Angliýanyň Korol zikgehanasy (“Royal Mint”) britan aýdym-saz sunngatynyň ýarym asyrlyk ussady Elton Jonuň döredijiligini 1 müň funt-sterlinge barabar bolan altyn teňňe bilen gutlamagy makul bildi. Bilermenleriň pikirine görä, bu altyn şaýynyň auksion gymmaty 68 müň funt-sterlinge (85 müň dollara) deňdir. Bu barada “BBС” teleýaýlymy habar berýär.

“Royal Mint”-iň metbugat sekretary Kleýr Maklennan Elton Jonuň, şübhesiz, aýdym-saz ulgamynda rowaýata öwrülendigini we iň üstünlikli aýdymçylarynyň biri hökmünde ykrar edilendigini mälim etdi. Şeýlelikde, onuň britan aýdym-sazyna goşan goşandyny sarpalamak maksady bilen altyn şaýy puly çykaryldy.

73 ýaşly aýdymçynyň albomlarynyň 250 milliondan gowrak nusgasy tutuş dünýäde satyldy. Ol koronawirus ýokanjy sebäpli dünýä boýunça “Farewell Yellow Brick Road” atly hoşlaşyk aýdym-saz şüweleňini ýatyrmaly boldy.

Ýene-de okaň

Türkmenistanyň wekiliýeti AHHG-nyň müdiriýetiniň mejlisine gatnaşdy

Türkmenistan Owganystana ynsanperwer kömegini berdi

Wise-premýer Mämmedowanyň Fransiýadaky iş sapary

Teswirle