TEHNOLOGIÝA

Elektrikli awiasiýa üçin strategiýa

Şwesiýada awiasiýa ulgamyny elektrik energetikasyna geçirmek babatda taýýarlanan strategiýa kabul edildi. “Swedavia” kompaniýasy ýurduň howa menzilleriniň döwlet operatory bolup çykyş edip, elektrikli awiasiýa strategiýasyny makullady.

Bu strategiýa laýyklykda ýurduň çäginde hereket edýän 10 howa menzilini elektrik tokly hereketlendiriji bilen işleýän uçarlara hyzmat bermek üçin taýýar derejä getirmek göz öňünde tutuldy. Şeýle hem bu ugurdaky ilkinji uçuşy 2025-nji ýylda amala aşyrmak meýilleşdirildi.

“Swedavia” kompaniýasy şu ýylyň güýzünde Ore-Estersund howa menzilinde elektrikli uçarlaryň synagyny geçirmäge girişer. Bu howa menzilinden uçan uçar Norwegiýanyň Rerus howa menziline gonar. Bu iki howa menzili Ýewropa Bileleşiginiň “Ýaşyl ýol” taslamasy esasynda synag üçin taýýar edildi. Şeýle hem Şwesiýa bilen Finlýandiýanyň arasynda bu ugurda synag uçuşlaryny amala aşyrmak meýilleşdirilýär.

Ýene-de okaň

Saud Arabystanyda emeli aň mümkinçilikli howa menzili gurlar

Türkmenistan Aziýa bilen Ýewropanyň arasynda maglumat geçiriji ýurt bolar

Kiberhowpsuzlyk boýunça täze maksatnama taýýarlanýar

Emeli aň Hytaýyň awtoulag pudagyny üýtgedýär

“Alibaba” kompaniýasy emeli aň ulgamyna 52 milliard dollar maýa goýar

Türkmenistanyň Döwlet gümrük gullugynyň ykjam goşundysy işe girizildi