“El Klasiko”: “Realyň” 100-nji ýeňşi

Dünýäde köp sanly janköýerleri bolan Ispaniýanyň “Real Madrid” bilen “Barselona” toparlarynyň arasyndaky duşuşyk “El Klasiko” diýlip atlandyrylýar. Bu duşuşyk futbol janköýerlerini hemişe gyzyklandyryp gelýär.

2022-nji ýyldaky ilkinji “El Klasiko” duşuşygy Ispaniýanyň Superkubogyny gazanmak ugrunda geçirilen mini ýaryşda boldy. Düýn hem belläp geçişimiz ýaly, Ispaniýanyň “La Liga” milli futbol çempionatynyň ýolbaşçy düzümi Superkubok ugrundaky ýeke-täk duşuşygy birnäçe toparyň gatnaşmagynda mini ýaryş hökmünde geçirýär. Bu duşuşyklar Saud Arabystanyda oýnalýar.

Şol duşuşyklaryň ilkinjisinde Ispaniýanyň “Real Madrid” bilen “Barselona” toparlary duşuşdy. “El Klasiko” duşuşygynda “Real Madrid” topary garşydaşy “Barselona” toparyny 3:2 hasabynda ýeňdi.

Duşuşygyň 25-nji minutynda “Realyň” ýaş ýyldyzy Winisius Žunior hasaby açdy. 41-nji minutda “Barselonaly” de Ýong hasaby deňledi.

72-nji minutda Benzemanyň goly bilen “Real” ýene-de öňe saýlandy. 83-nji minutda Fati “Barselona” toparynyň 2-nji goluny öz adyna ýazdyrdy.

Duşuşygyň ykbalyny bolsa, duşuşygyň esasy wagtyna goşulan goşmaça wagtyň 98-nji minutynda “Real Madrid” toparyndan Walwerdeniň goly kesgitledi.

Şeýlelikde, duşuşykda 3:2 hasabynda üstün çykan “Real Madrid” topary Ispaniýanyň Superkubogynda finala çykdy we “El Klasikodaky” 100-nji ýeňşini baýram etdi.

bu iki topar 248 gezke duşuşdy. “Real” 100-nji ýeňşini gazandy we 415 gol geçirdi. “Barselona” topary bolsa 96 duşuşykda ýeňiş gazanyp, 404 gol geçirdi. 52 duşuşyk deňme-deň tamamlandy.

2022-nji ýylyň 20-nji martynda ýene-de bir “El Klasiko” bolar. Onda bu iki topar Ispaniýanyň “La Liga” milli çempionatynyň çäklerinde duşuşar.

“Real Madrid” toparynyň “El Klasikodaky” bassyr 5-nji ýeňşi. Mundan ozal şeýle ýagdaý 60-njy ýyllarda bolupdy. “Barselona” topary 3 ýyldan bäri “El Klasikoda” ýeňiş gazanyp bilmän gelýär.

Ispaniýanyň Superkubogynyň beýleki duşuşygynda 13-nji ýanwarda, ýagny şu gün “Atletiko Madrid” bilen “Atletik” toparlary duşuşar.

 

Italiýanyň Naýbaşy kubogyny “Inter” gazandy



ÝENE-DE OKAŇ

Hormatly Prezidentimiz Gurbanguly Berdimuhamedow Hytaý Halk Respublikasynyň Başlygy Si Szinpiniň çakylygy boýunça sanly ulgam arkaly Hytaý bilen Merkezi Aziýa ýurtlarynyň arasynda diplomatik gatnaşyklaryň ýola goýulmagynyň 30 ýyllygy mynasybetli sammite gatnaşdy. Sanly ulgam arkaly ýokary derejeli duşuşyga Merkezi Aziýa sebitiniň beýleki döwletleriniň Baştutanlary — Gazagystan Respublikasynyň Prezidenti Kasym-Žomart Tokaýew, Gyrgyz Respublikasynyň Prezidenti Sadyr Žaparow, Täjigistan Respublikasynyň Prezidenti Emomali Rahmon hem-de Özbegistan...
Hytaý Halk Respublikasynyň Başlygy Si Szinpiniň başlangyjy boýunça Merkezi Aziýa ýurtlary bilen Hytaýyň arasynda diplomatik gatnaşyklaryň ýola goýulmagynyň 30 ýyllygyna bagyşlanyp onlaýn-sammit geçirildi. Çäräniň başynda geçen 30 ýylyň dowamynda Hytaýyň hem-de Merkezi Aziýa döwletleriniň arasyndaky hyzmatdaşlygyň esasy gazananlaryny hem-de dostlukly gatnaşyklaryň ileri tutulýan ugurlaryny beýan edýän wideoşekiller görkezildi. Soňra Hytaý Halk Respublikasynyň Başlygy Si Szinpin çykyş etdi. Ol Hytaýyň bu sebitiň...
Dünýäniň iň baý adamlarynyň biri hasaplanýan "Amazon" kompaniýasynyň esaslandyryjysy Jeff Bezos futbol dünýäsine aralaşmagy meýilleşdirýär. Bu barada Italiýanyň metbugaty habar berýär. Metbugatyň habaryna görä, Italiýanyň Naples şäherinde kosmos bazasyny gurmak isleýän Bezos şol bir wagtda "Napoli" toparyny hem satyn almagy meýilleşdirýär. "Napoli" topary De Laurentisden Jeff Bezosa geçmeigne garaşylýar. Kino prodýuseri Aurelio de Laurentis "Napoli" topary bilen bir hatarda Italiýanyň aşaky...
Şu gün “Hytaý-Merkezi Aziýa döwletleri” döwlet Baştutanlarynyň sanly ulgam arkaly sammiti geçirildi. Onlaýn tertibinde geçirilen bu sammit Hytaý bilen Merkezi Aziýa döwletleriniň arasynda ýola goýlan diplomatik gatnaşyklarynyň 30 ýyllygyna bagyşlandy. Hytaý Halk Respublikasynyň Başlygy Si Szinpiniň başlangyjy esasynda geçirilýän bu sammite Türkmenistanyň Prezidenti Gurbanguly Berdimuhamedow hem gatnaşdy. Hytaý bilen Merkezi Aziýa döwletleriniň arasyndaky hyzmatdaşlyk gatnaşyklarynyň geçen 30 ýylyna syn berlen onlaýn...
Dünýäniň iň baý tehnologiýa milliarderleriniň umumy baýlygy 2022-nji ýylyň başyndan bäri 85,7 milliard dollar azaldy. Ilon Mask, Jeff Bezos, Bill Geýts, Larri Page we Mark Zukerbergiň baýlygynyň azalmagy; inflýasiýa we göterim derejesiniň ýokarlanmagy bilen baglanyşykly boldy. Ine, dünýäniň iň baý adamlarynyň baýlygynda ýitirilen milliardlarça dollar... Dünýädäki iň baý bäş adamyň baýlygy, geçen hepdäniň bazaryndaky satuwdan soň uly täsir galdyrdy. 2022-nji...

Iň täze habarlar