ABŞ-nyň “Amazon” kompaniýasynyň esaslandyryjysy Jeff Bezos kosmos syýahatçylygyny amala aşyrdy. “Blue Origin” kompaniýasy tarapyndan taýýarlanan “New Shepard” atly raketa arkaly atmosfera bilen kosmosyň çägi hasaplanýan Karman çyzygyndan ýokary çykyldy. Ýagny 100 kilometr menzile ýetildi.
Kosmos gämisinde Bezos bilen bilelikde ýene-de üç adam kosmos syýahatçysy boldy. Olar Jeff Bezosyň dogany Mark Bezos, 82 ýaşly zenan pilot Walli Fank hem-de 18 ýaşly niderlandly Oliwer Daemen boldy.
ABŞ-nyň Tehas ştatyndaky kosmodromdan uçurylan kosmos gämisi kosmos giňişligine baryp ýetenden soňra 10 minutda soňra yzyna dolandy.
KOSMOS SYÝAHATÇYLYGY GYZYŞÝAR
Şeýlelikde, Bezosyň ýolbaşçylygyndaky “Blue Origin” kompaniýasy kosmos syýahatçylygyny ýola goýdy. Şu ýylyň dowamynda kompaniýa ýene-de 2 ýolagçyny kosmosa çykarmagy meýilleşdirýär.
“Blue Origin” -iň geljekdäki kosmos uçuşlaryna islegiň gaty ýokarydygyny bellän Jeff Bezos kompaniýanyň geljekki uçuşlary üçin takmynan 100 million dollarlyk bilet satandygyny aýtdy.
Riçard Brenson adamzadyň taryhynda kosmosa syýahatçylygy amala aşyran ilkinji milliarder bolupdy. Ol özüniň ýolbaşçylyk edýän “Virgin Galactic” kompaniýasynyň döreden kosmos gämisi bilen 11-nji iýulda ilkinji uçuşyny amala aşyrdy. 70 ýaşy işewür “Unity” gämisi bilen kosmos giňşiligine göterilip, hususy kosmos syýahatçylygynda täze sahypany açypdy.
Olimpiýa oýunlarynyň açylyşyna 15 prezidente garaşylýar