TÜRKMENISTAN WE DÜNÝÄ HABARLARY
DÜNÝÄ

Dünýä syýahatçylygy 4 göterim ösdi

Bütindünýä Syýahatçylyk Guramasynyň (UNWTO) habar bermegine görä, 2019-njy ýylda halkara syýahatçylaryň sany 1,5 milliarda ýetip, geçen ýyly garanyňda 4 göterim köp boldy. şeýlelikde 10 ýyl bassyr yzly-yzyna ösüş gazanyldy.

Guramanyň hünärmeni Sandra Karwao bu barada beren beýanatynda 2018-nji ýyl bilen deňeşdireniňde, 2019-njy ýylda halkara syýahatçylarynyň sany 54 million artdy.

Halkara syýahatçylygynda ösüş depgininiň ýokary görkezijisi Ýakyn Gündogarda bolup geçdi. Bu sebitiň görkezijisi 2018-nji ýyla garanyňda, 8 göterim köp boldy.  Ösüş depgini boýunça ikinji orunda Aziýa-Ýuwaş ummany sebiti (5 göterim) we üçünji orunda Ýewropa (4 göterim) barýar.

2020-nji ýylda hem Bütindünýä Syýahatçylyk Guramasy syýahatçylyk pudagynda täze ösüşlere garaşýar. Çaklamalara görä, ösüş depgini 3-4 göterime barabar bolar. Tokio şäherinde geçiriljek tomusky Olimpiýa oýunlary we Dubaýda geçiriljek “EKSPO-2020” halkara sergisi syýahatçylyk pudagynyň ösüşine oňyn täsirini ýetirer.

Ýene-de okaň

Türkmenistanyň ýolbaşçylary HHR-iň Başlygyna gynanç bildirdi

Eýranyň energetika ministriniň Aşgabada sapary

Türkmenistanyň daşary işler ministri Moskwada saparda bolar

Teswirle