SPORT

Çempionlar ligasynyň nobatdaky duşuşyklary

Ýewropa yklymynyň futbol boýunça iň abraýly ýaryşlarynyň biri hasaplanýan Çempionlar ligasynda 1/8 final duşuşyklarynyň nobatdaky oýunlary oýnaldy. Onda Angliýanyň “Çelsi” topary öz meýdançasynda Germaniýanyň “Bawariýa” toparyny, Italiýanyň “Napoli” topary bolsa, Ispaniýanyň “Barselona” toparyny kabul etdi.

“Çelsi” bilen “Bawariýanyň” duşuşygynda oýnuň ykbaly ikinji ýarymynda çözüldi. “Bawariýa” topary myhmançylykda “Çelsi” toparynyň derwezesinden 3 jogapsyz pökgi geçirdi. 51-nji we 54-nji minutlarda Gnabri we 76-njy minutda Lewandowski tapawutlandy. Şeýlelikde “Bawariýa” nobatdaky tapgyra çykdy diýen ýaly.

Beýleki duşuşyk deňme-deň tamamlandy. Italiýanyň “Napoli” topary 1:0 hasabynda öňe çykdy. “Barselona” topary oýnuň ikinji ýarymynda hasaby deňledi. Duşuşyk 1:1 tamamlandy.

25-nji fewral:

“Çelsi” – “Bawariýa”       0:3

“Napoli” – “Barselona”   1:1

26-njy fewral:

“Real Madrid” – “Mançester Siti”

“Lion” – “Ýuwentus”

Ýene-de okaň

Argentina Braziliýany utup, dünýä çempionatyna gatnaşmak hukugyna eýe boldy

Türkmenistan Hytaýyň Taýbeýini 2:1 hasabynda ýeňdi

Ronaldo 4-nji gezek Ginnesiň rekordyna eýe boldy

Ronaldonyň nobatdaky üstünligi

Kibersport boýunça ilkinji Olimpiýa oýunlary geçiriler

Garagum sährasynda ralli-reýd boýunça Türkmenistanyň Kubogy geçirildi