TÜRKMENISTAN WE DÜNÝÄ HABARLARY
SPORT

Çempionlar Ligasynda 1/8 final tapgyrynyñ jogap duşuşyklary geçiriler

Şu hepdede futbol janköýerleri üçin UEFA-nyñ Çempionlar Ligasynyñ 1/8 tapgyrynyñ jogap duşuşyklary garaşýar. Mart aýynyñ 11-ne gije sagat 01:00-da iki duşuşyk geçiriler. Germaniýanyñ “Leýpsig” topary öz meýdançasynda Angliýanyñ “Tottenhem” toparyny kabul eder. Birinji duşuşykda “Leýpsig” toparynyñ 1-0 hasaby bilen artykmaçlygy bardygyny unutmaly däl.

Bu güniñ ikinji oýuny bolsa “Walensiýa” bilen “Atalanta” arasynda geçiriler. “Atalanta” oýunyñ ykbalyny birinji oýunda çözdi diýsegem ýalñyşmarys, sebäbi “Atalanta” öz meýdançasynda 4-0 hasaby bilen ýeñmegi başardy. “Walensiýa”-“Atalanta” oýuny dünýädäki käbir meseleleri boýunça janköýersiz, tomaşaçysyz geçiriler.

Mart aýynyñ 12-sine hem Çempionlar Ligasynyñ dünýä belli toparlarynyñ  duşuşyklarynyñ geçirilmegine garaşylýar. Birinji oýun: “Liwerpul”-“Atletiko Madrid” oýuny Anfield stadionynda gije sagat 01:00-da başlanar. Geçen duşuşykda “Atletiko Madrid” öz meýdançasynda Çempionlar Ligasynyñ geçen ýylky ýeñijisi bolan “Liwerpul” toparyny 1-0 hasaby bilen ýeñmegi başardy.

PSŽ-“Borussiýa Dortmund” duşuşygy gije sagat 01:00-da başlar. Dünýä belli oýunçylardan düzülen PSŽ toparynyñ tälimçisi Tomas Tuhel: “Dortmundy ýeñmek üçin ähli güýjimizi orta goýarys”, diýip belläp geçýär. Geçen duşuşykda Dortmund topary PSŽ toparyny 2-1 hasaby bilen ýeñmegi başarandygy ýatladarys. Duşuşyk “Park de Prens” stadionynda, janköýersiz geçiriler.

Biz bolsa, ýurdumyzyñ futbol janköýerlerini UEFA-nyñ Çempionlar Ligasynyñ gyzykly duşuşyklaryny tomaşa etmäge çagyrýarys!

Ýene-de okaň

Mbappe – dünýäniň iň gymmat futbolçysy

Messi ilkinji üçlükde

Tennis dünýäsiniň ägirdi karýerasyny tamamlady

Teswirle