TÜRKMENISTAN WE DÜNÝÄ HABARLARY
SYÝAHATÇYLYK WE SAGLYK

Beýik Britaniýadan sanjym tassyknamasy

Oksford uniwersitetiniň “Astrazeneca” kompaniýasy bilen bilelikde işläp düzen koronawirusa garşy sanjymy Beýik Britaniýanyň Derman we lukmançylyk enjamlaryny kadalaşdyryjy edarasy tarapyndan tassyklandy.

“AZD1222” atly sanjym britan-şwed kompaniýasy “AstraZeneca” kompaniýasynyň goldawy bilen Oksford uniwersiteti tarapyndan işlenip düzüldi. Bu sanjym Beýik Britaniýada öndürilip, Ýewropada ulanylar. Şeýlelikde, Beýik Britaniýa “AstraZeneca/Oksford” sanjymyny ilkinji bolup tassyklan ýurt boldy.

Beýik Britaniýa bu sanjymdan 100 million dozasyny sargyt etdi. Beýik Britaniýanyň Saglygy goraýyş ministrligi Derman we lukmançylyk enjamlaryny kadalaşdyryjy edarasynyň maslahatyna eýerip, sanjymyň tassyklanmagyna rugsatnama berdi. “AstraZeneca” kompaniýasynyň baş direktory Paskal Soriot Oksford uniwersiteti bilen işlenip düzülen
koronawirus sanjymynyň “Covid-19”-dan 95 göterim gorajakdygyny we “Pfizer / BioNtech” we “Moderna” sanjymlary ýaly täsirli boljakdygyny habar berdi. Bilşimiz ýaly, Beýik Britaniýada “Pfizer-BioNTech” sanjymy ulanylyp başlanypdy.

 

Syýahatçylyk Sahypamyz

Global pandemiýa şertleri tamamlanandan soňra haýsy ýurda syýahata gitsem diýýänler we syýahat etmegi söýýänleriň sahypasy

Ýene-de okaň

«Belawiýa» awiakompaniýasy Türkmenistana uçar gatnawlaryny artdyrdy

Şäherara awtobus petekleriniň onlaýn satuwy

Daşoguzda täze saglyk öýi açyldy

Teswirle