Angliýanyň futbol boýunça milli çempionatynda köp sanly bilermenler hem-de janköýerler “Arsenal” toparyndan çempionlyga garaşdy. Emma bu başa barmady. “Arsenal” topary “Nottingem Forest” toparyndan 1:0 hasabynda utulmagy bilen “Mançester Siti” topary wagtyndan öň çempion boldy.
Şeýlelikde, “Mançester Siti” topary Angliýanyň çempionatynda yzly-yzyna 3-nji çempionlygyny gazandy. Hosep Gwardiolanyň tälimçiligindäki “Mançester Siti” topary 2020/21, 2021/22 we 2022/23-nji möwsümde çempion bolmagy başardy we çempionatdaky rekordy täzeledi.
Mundan ozal, Aleks Fergusonyň ýolbaşçylygynda “Mançester Ýunaýted” topary 2 gezek (1998/99, 1999/2000, 2000/01 we 2006/07, 2007/08, 2008/09) yzly-yzyna 3 gezek çempion bolupdy.
Has ir döwürlerde “Liwerpul” (1981/82, 1982/83, 1983/84), “Arsenal” (1931/32, 1932/33, 1933/34), we “Haddersfild” (1923/24, 1924/25, 1925/26) yzly-yzyna çempion bolmagy başaran toparlar bolupdy.
4 gezek yzly-yzyna çempion bolmak entek hiç topara başartmady.